من موروثنا الشعبي (مصطلاحات شعبيه قديمة)ادلو بدلوك..

[قاهرتهم]

http://o9o9.net/2/uploads1/48ca2c06b0.gif (http://o9o9.net/2)

اخواتي التراثييات...

السلام عليكم ورحمة الله وبركاته..
اشوف في الاونه الاخيره منتدى التراث ميت والمشاركات الي فيه قليله ..
قلت ابي انزل هالموضوع يمكن يتحرك شوي ويلقون البنات مصطلحات او عبارات ..الخ تحرك موضوعنا ومنتدانا الجميل ..

وسوف نحاول ان نضع في هذا الموضوع ما يمكنني وضعه من مصطلحات تراثيه تكاد ان تتلاشى لعدم استخدامها..
سواء كانت تلك المصطلحات لمسميات معنويه او ماديه مما كان يستخدم في مجتمعات الاباء والاجداد ...
راجيا من الجميع ان يدلو بما لديهم من معلومات حتى يتم اكبر قدر ممكن من تغطية هذا الموضوع التراثي المهم..
والموضوع سوف يكون مستمر حتى يكون لدينا قاموس تراثي مميز نستطيع الرجوع اليه في اي وقت نحتاجه ..

وسوف ابداء الموضوع بهذه المصطلحات..


الكرمع

الكرمع وينطق(التسرمع) تقريبا هو ثمر شجرة الاثل اللتي لها فوائد بيئيه لصد الرمال عن المزارع والنخييل وهذه الثمره تؤخذ في بداية نضوجها وتستخدم لدباغة الجلوود وذالك بتخميرها بالماء المستخدم للدباغه لوضع الجلد فيه بضعة ايام لمعالجته عن تغير اللون وازالة الرائحه واكتساب الطراوه والنعومه 000وذالك بأضافة مواد اخرى معها
كما يستخدم الكرمع بعد سحقه لتخفيف وازالة بعض انواع حساسية الجلد لدى الاطفال



الرشاء

هو عباره عن حبل يحمل الغرب وتجره الدواب اللتي تستخدم للسني ومكونات هذا الحبل من ليف النخل حيث يفتل الليف على شكل بت ويكون عدد تلك البتوت ثلاثه تجدل معا لتشكل حبل متين وقوي جدا ويلف عليها بعض القماش


القد

وينطق ( التسد) وهو عباره عن جلد مقدود على شكل شرايح رهيفه مشكلا حبل جلدي يستخدم ولمره واحده (يعني زي للحام للحديد) لربط الاشياء اللتي تستخدم وتحتاج الى تحمل وقوه مثل المحاله او الكر او الكتب او غيرها من الادوات ذات الاستخدام القوي والمتكرر...والقد عاده ما يؤحذ من جلد الجمل واقوى مكان في جلد الجمل هو جلد الرقبه .. ولاستعمال القد يجي وضعه في الماء قبل استخدامه حتى يكون لين ثم ربطه وتركه لمده حتى ينشف وعند نشو فه سوف يكون قوي جدا وغير قابل للفك بسهوله

البعل

المقصوود بالبعل هنا هو الزرع اللذي يزرع في موسم الامطار في مناطق بعيده عن البلد والمزارع وغير مستغله بزراعة الاشجار وذالك للاستفاده من تلك الاراضي بواسطة المطر اللذي يتوقع هطوله في موسمه وذالك بحراثة الارض وبذرها موسم هبوط الامطار وتركها للمطر للسقياء والعوده لها عند نضووج الزرع وقت حصاده


الهباة

الهباة هي عباره عن حفره ليس في قاعها ماء .. ومثل القليب بحيث ان الاصل في حفرها لتكون قليب ولاكن اذا لم يتوفق حافروها بوجود الماء فانها تصبح مجرد حفره لافائده فيها وتسمى هباة...ايضا القليب اللتي يجف مائها وتهجر تسمى هباة


الكالف

وتنطق (التسالف) وهو الشخص اللذي يعمل في المنحاة ومهمته مرقبه الدواب اثناء العمل والاشراف عليهن والانتباها للماء ورياسته وعمل الكالف من اشق الاعمال واكثرها مللا واقلها طموحا





النثيله

وهي التراب اللذي يستخرج من البير اثناء الحفر ويؤضع بجانب البير مشكلا كثيب من التراب وعاده ما يترك بجانب البير لكي يصد ماء السيول عن البير حتى لا يفسدها ويسقط طويها ويخوش جوانبهاوالنثيله ايضا تطلق على اي كومه تراب حتى لو كانت امام بيت النمل

[روح القصيد]

موضوع جدا رائعه وفكره جميله 000

[قاهرتهم]

الاجمل مرورك ياقلبي


يالله عاد نبي تفاعل

[ريومه الهلاليه]

يعطيــــــــــكـ العــافيـــــــــــهـ يـالغــــــــــــلا,,,,

[مضاوي بنت فهد]

قاهرتهم

يعطييك العافيه فكره حلووه ومفيده

والله انا دلووي فاضي الحين

بس اذا لقيت شي بسدحه لكم هنا

تحيتيـ

[قاهرتهم]

ريومه الله يسلمس ياقلبي

ميمي ياحبيبتي اسدحيه هههههههههههه واحنا ننتظر دلوس

[ميمي 161]

مشكوووووره قهووووره


على التعريفات

[قاهرتهم]

العفووو عنوني منوره والله

[روح القصيد]

ندري انها فكره حلوه بس وينكم ماشفنا شي وذا النوم فيكم وبعدين القسم مره مهملينه محد يشارك فيه كثير

[روح القصيد]

اليوم ماشاء الله جالسه الف في احد هل المنتديات والقي موضوع قريب من موضوعنا ذا

وماشاء الله وشذا الاعضاء الي تلف ايدينهم بحرير مشاركات روعه وتفاعل اروع وصرحه اعجبني

ردهم وجبت منهم كم رد عسى ولعل انكم تتحركون وتستفيدون ,,,

ومن المصطلحات...

البربسه

وهو العمل الغير متقن او يكون حوسه..او يكون غير مرتب... فيقال ( والله البربسه) يعني والله الشغل الخايب

البلشه

البلشه هو الشخص الموذي الي مايسلم منه احد وتلقى الناس دايم تصد عنه وتدور فرقاه ..ويقال(فلان بلشه لايقربنا ) يعني فكونا منه الله يفككم من النار..

الرعاعة

هو الشخص الجبان الخواف والي ينكب ربعه في الشدايد ولايحب المواجهه...

ينطحه

ينطحه يعني يقابله وجه بوجه والاولين يقولون لاينطحك فلان ..يعني لايغلبك...

ايباريه

يعني يسير بجانبه مثل ما يباري الذيب الراعي ..يقولون الاولين ان الذيب ما يواجه ولا يمشي خلف القطيع بل يباريها مبارا واذا شاف الشات القصيا..وهي الي في اخر القطيع ودائما ماتكون عرجاء او مريضه ولهاذا تتاخر عن القطيع ثم يخطم عليها وياكلها...ويمثل الرجل الي يتاخر عن الجماعه (بالشاة القصيا)

الذاهبه

هي الضائعه او المفقوده..ويقول الوالد لولده(جعلك الذهاب) يعني جعلك تضيع او نفقدك بموت او غيره..
الله يرحمهم جميعا ...

[روح القصيد]

موضوع خطير والله


بس عاد علموني اذا صح علي ، والا اوقف

بليه أو ماخوذ

يقولها الواحد ، اذا ملّ من اللي قدّامه ويبي الفكّه منه

السحله أو الغضاره

اناء دائري ، يشربون فيه من اول المويه واللبن

جغمه

الجغمه هي ، زي الرشفه يعني بالشرب تنقال



جلال

اللي تلبسه المرأه بالصلاهـ


طوفريه

الصينية التي يكون فيها شاهي او قهوهـ

أمرح

يعني نام وخمد ، فلان امرح عندنا ، يعني رقد ونام

دوك

يعني خذ الشي ، (دوك مفتاح البيت)

ريّض

يعني مطول

الأطخم

بذاك الوقت ، المزايين يسمونهم طخمان


الهمام

يعني بسرعه ، وانجز الشي اللي تسويه ، ولا تصير ميّت بشغلك





دوشق

البطانيه ، او اللحاف

بالطقاق

يعني ، بقريح واللي ما يحفظك طس

متعومس

تقال ، للي ضايق صدره ، وزعلان من شي

مطفوق او مخروش

يعني يحب العجله ، وكل شي عنده بسرعه


مسفهل

يعني متشقق من الفرحه ، ومبسوط

[روح القصيد]

أ بدلي بدلوي .. بس ترى فيه أمثال .. مايخالف


الكالوبه << مشبك الثياب ..

بلم << الصحن الكبير اللي يحطون به الرز أو المكرونه .. وبعضهم يسمونه سرويس << صح كذا والله ماادري ..

مجيم << هذي للمواصير لا صارت مصديه وماتنحل يسمونه مجيمه ..

احترنا ياقرعى معين نكدتس ..

هذا مثل ينقال مع الأشخاص اللي يصعب التعامل معهم وماتدري شلون ترضيهم ..

قرقعة فناجيل ولاهنا قهوة ..

هذا مثل لاقالوا أسمع جعجعة ولا أرى طحنا

الله يعطيك العافيه ياذيب سدير .. ذيب التراث

ولي رجعه مع قحشة مصطلحات

تحياتي

[روح القصيد]

كلمات من مدينة الرياض (العارض) ولماما حصة الف الشكر

الشفات :أي شيء يفرح فيه الطفل مثل الحلويات أو االنقود

بطن الحوي :وسط البيت واهل الغاط يسمونه البراحة

القوع :الحوش
المجبب :مدخل البيت
الحجا :أعلى السطح
مابرحنا: مازلنا
الصهروج:دورة المياه
الدراعة:فستان
يلاغي :يهاوش
الصبي :اللي ينظف ويساعد الطباخ في تقطيع البصل وغيره
القرصان قبل الطبخ :شلف
المشاطة :الكوافيرة
الحرفية:عمال الزراعة والبناء
استاد :رئيس العمال

[روح القصيد]

السويق ( السويدز ) وهو المكان ورا البيت زي السيب يقاله السويدز

المسحاة :- وهي اداه اللي يحفرون بها ويسوون بها احواض النخل

المرود :- اللي هو الكحل اللي يستخدمونه الحريم منول ..

مشاط :- وهو شيء يخفف بما ويكب على الشعر يزين ريحته ..

صحن غضار :- صحن من حديد .. ولونه ابيض وبوسطه نقوش ياحمرا يازرقا .. يالذ الاكل فيه

الحصير .. :- وهو الفرش اللي يزين من خوص النخل .. ويسوى منها فرش للنوم او فرش للجلسه ..

مهاف :- وهي المهفه اللي يتقون فيها حر الجو منول

المخيط :- وهي الابره الكبيره اللي تخاط فيها المهاف والحصير واي شي تكون الابره الصغيره ماتخيطه

بوادي :- وهي الصحون اللي ينوكل بها

المحفر :- وهو شي يحط به التمر او اي شي .. يجمع به

والحين هي المحافر السود ومنول كانت من عسيب النخل ..

الزبيل :- يشبه المحفر ..

الطباقه :- وهي شي يغطى به القدر

الموقعه :- هي مثل الصحون الحين وينتسب فيها الاكل وهو اللي يغطى بالطباقه

المسخنه :- اللي يحط فيها الماء تجي طويله شوي ولها ثعبه يعني زي الفتحه ويحطونها في الشمس تدفا

المثعوبه :- تجي حديده ولها ثعبه وهي اللي يصبون منها في يدين الناس لاخلصو ماكلين يعني

السموّر :- يجي زي الزير بس اطول شوي ويكون مبقور مع الوسط يعني له فتحه والفتحه
يحطون الجمر بوسطها عشان يصير حار ويخلونه كل الليل ولاقامو الصبح
ولاه يهجد من الحراره ويصير اللي يبي يسبح به او يغسل به واكثر شي يستخدمونه
في الشتاء

المحماسه :- تكون زي المقلى بس عروتها اطول شوي ومعها زي الملعقه بس طووويله ويحمسون بها القهوه

المنفاخ :- اللي ينفخون به الجمر لاحسو انه بدا يطفي

الندزيره ( النقيره :-( :- تجي حصاه كبيره مربعه ومنقشه تمصع العقل ( تمصع العقل بقول عمتي(
ويحطون فيها القهوه ويدقونها

النجر :-يدقون فيه الهيل

الاكل :-

الجريش واحد يسميه ( إلقيمي(
والجريش معروف يسوى باللبن او الحليب

الطحين واحد يقول عنه ( صمّا (

والرز هو هو رز ماتغير واحد يقول عنه عيش

العصيد واحد يسميه دخن
والعصيد يجي اصفر ويربص همن يغسل ويجاب منحاز ويدق فيه الين يتلبد
ويسمى عقب مايتلبد (( دقوقه ((

الهريس وهو عيش بر ويطحنونه ويطبخونه حول اربع ساعات

الغفيص وهو عباره عن تمر وزبد

لحنيني قرصان وتمر

المحلى تمر وزبد وحبه سوداء ونفس الشي يخلى يطبخ حول 4الى 5 ساعات

[روح القصيد]

ميقعه : وهي المطرقه

خاشوقه : ملعقه عند بعض الناس

مترغ: و يقصد بها البيبسي وتقال عند اهل الشمال لانه بعد ما تشرب البيبسي تترع


انقلع: وهذا اللي بسويه الان <<<مره خطير ذا العضو دمه خفيف ضحكني


انواع الاقمشه ..

المنيخل :- يحطونه ثياب او شيال ويقومون على طرّافه كان انهم يبونه لسهره
او عروس ويحطونه زري يرهش

البخنق :- للي يلبسنها البنيات الصغار وهو عباره عن قماش منيخل ومشكوك شك
اكثر مايلبسنه البني في العيد او الموناسبات الكبيره

والثياب :-

نوع يسمى ( مريكه ) هذاا نوع غالي وهو نوع فاخر من انواع القماش

وهذا اللي تلبسه ويييين ما تدخل مع الباب من كبر راسها

ونوع يسمى ( مرضوف ) رخيص يحوم التسبد وهذي ما تجي شي عند المريكه

ونوع اسمه نور العيون ( مهمب يلعبون منول ) يجي زي البوالات مطرز

ثوب الكرته :- يكون مزموم مع الصدر ووسيع يخقل

تخراصه :- هذا يلبسونه الحريم الكبار .. وسيع من اسفل اليدين وكبر امس وقبل امس وفيه مخابي تاصل

للركب هذي لزوم الشروط

بعض ادوات الزينه ..

مسباح:- وهو يكون زي السلسال حول الرقبه بس انه عريّض شوي

الزماط:- تحت المسباح

القلاده :- وتكون كبيره واكبر منهن كلهن

الرشرش:- كبيير يكون على الصدر كله

الغوايش:- ويجون يصفونهن بيديهن 12 حبه باليسار و12 حبه باليمين للناس اللي ربي مغنيها

اما الناس اللي على قد حالها يا ست في كل يد او اربع ..

صف الحجر :- وهي سواره من جنيهات ذهب

خماخم :- وتحط بالاذان وهو اللي يسمى " الحلق "

زمام:- وينحط بالخشم


العاب منوّل

الدنانه :- ( يجيبون سيكل ويحطونه فيه عمود ويعبون به العيال (

**


الكواجه :- اللي تنحط على البعير ومزينه ومزخرفه ويركبن بوسطها الحريم وهالبعير مغير يومي فيهن



زرابيل :- زربول ..ذولي نعال من جلد وداخلهن فرو شوي للشياب يلبسونهن ..

مسحاه :- للمزارعين وحقين المزراع ... اللي يحفرون فيها الارض .. او يواسون فيها فيها احواض النخل

التجوري :- وهو الصندوق اللي مثل الخزنه اللي حفظ فيها الاشياء الثمينه .. مقل فلوسهم وذهبهم وكذا

قرو :- يحط به الماء ويغطى وتختلف اشكاله شي مدور وشين مربع وشي ٍ مستطيل ..

العوقده :- ذي تجدع بوسط الدزليب .. وبسحب بها أي شي ..او يحط بها الدلو او اللي يجاب به الما وتسحب مرتن

اخرى او أي شيٍ يسقط ويطيح في البير يتلونه عن طريق هالعوقده

الرحى :- يطحنون به الحبوب من حبوب السنبل وغيرها ..

صحفه :- وينتسبون فيها الغدا والا العشا

لندزيره :- يحطون القهوه والا الهيل .. ويدقونه بعصى تجي معها

المنحاز ... هذا اللي يدقون فيه العيش ...

الهندل :- ههههههه ياما برمته وانا صغيره احتري احدن يرد ..

هذا تلفون منول يبرمونه مع جنب ويرد عليهم سنترال الديره يقول ابي بيت الفان ويرن عليهم يقول دوكم

فلان
ذولي ردين مع بعض عضوه وعضو بس دمهم عسل ,,,

[روح القصيد]

بادئ ذي بدء << ذا الجمله وفي منتدى الشعبي ماتجي ابد
السلام عليكم ورحمة الله وبركاته

الصراحه انا في منتداكم ومنتداي بعد من النوع اللي اقرا واسرق ماعندكم وبس
بس هالموضوع جابني على وجهي وقلت استح على وجهك وشارك باللي يتيسر في دمجتك
لعل الله ينفع بك اخوانك المسلمين <<< واضح اني خاش جو خطيب جمعه

المهم بعطيكم بعض الكلمات وان تذكرت كم مثل وانا اكتب الرد كتبته لكم


الهن ( بتشديد النون ) او الهناة
وتقال للشي
عطني الهنّ وانا امك ( صورة جدتي وهي تاشر على جلالها )
او
جب الهناة معك لاتنسى ( وتقال لشي متفق عليه من قبل خصوصا لين صار عندك ملاقيف )

ايضا كلمه ثانيه وهي
سنع ( بفتح السين والنون )
( اي غرض او حاجه ويقولون ابيه في سنع يعني ابيه في شغل )

خماتسير ( اي اغراض )
مثل يقول لخويه اصبر بجيب خماتسيري معي ( يقصد عزبته او من هالاشياء )
وتقال مجازا للي عنده كلام ووده يقوله لخويه
يساله خويه هاه وش عندك من خماتسير ؟

خشاشه
يسمونها هالحين شلحه ( قماش خفيف ابيض شبه شفاف على شكل فستان الى حد الركبه غالبا ويلبس تحت القمصان غالبا
واظنه هالايام معد يلبسها الا الشغالات <<< وش دراك ؟؟


الربعيّه
هذي حرمتن غثيثه منول لين دخلت على مرتك ليلة عرسك لقيتها جالستن معها
وتنشب في حلقك ماتظهر الين تعطيها المقسوم وبعضهن خبيثات تحاول تتاخر وتاخرك عشان ماتسقي الزرع من اول ليله
وقد سمعت سالفه عن شايب من الشياب انه يوم شافها قالها هالحين انتي بتظهرين بالطيب ولا بديت بتس قبلها


يابلفيت
مثل اللي يقولونها المبزره هالحين ( يعني اني )
وتنقال خصوصا لين صارو اثنين يحشون في واحد يقولون يابلفيت اني كريم

الرفلا
وتنقال للحرمه اللي مهيب يم جاده
لا طبخ ولا نفخ ولا سناعه
7
7
هالكلمه تجرنا لمثل وهو
لا وجه في المقعد ولا ط** في المرقد
يعني لا نفع ولا منفعه

وعشان مايزعلون بنات حوا
هالكلمه تنقال للتماسيح وهي
ردامه - كابون - سيف عرضه ( يلمع ولا يجرح )
يعني زلابه وماحولك احد وفي روايه انه من اردى الدبش وعلى طاري الدبش فهي كلمه تنقال عادتن لمواشي البيوت منول من الغنم والمعزا والبقره

قرم
وتنقال للرجال اللي مالين ثيابه
كريم وشهم واخلاق وهيبه

كون او الكون
كلمه مرادفه لكلمة الحرب
اذكر جدي الله يرحمه يقول لي انه كان بالرياض منول على وقت عبدالعزيز وهو كان طالعن للغزو
وعقب كم يوم ويشوفون غبره في السما
عاد الشياب في الرياض يقولون " الله اعلم ان به كون اليوم بين عبدالعزيز و .... " يقصدون حرب


عزا
وتنقال للارض الصلبه المستويه
مثل ارض عزاز يعني صلبه ومستويه

حليج ( مرقوق )
صبيب ( مصابيب ) مراصيع << كلوها مع اللبن

سرسري - سمرمدي - سلوقي - سفله

وتنقال للولد الداشر اللي مهبلن باهله



اخيرا مثل شعبي حلو مره وهو

الصيف ضيعت اللبن

<<<<< عض ثوبه وانحاش داري انهم بيجلدونه على هالمثل

هذا اللي في دمجتي هالحين وان تيسر شي رجعنا لكم ولاّ الماريه الغفله << اللي تحتها سطر مثل ويقال مثلا اذا ماعطيتك موعد رسمي او اكيد فانه مابه وعد بيننا


الكلام اللي فوق اجتهاد من ذاكرتي ان كان فيه خطا كامل او جزئي ياليت يصحح
من اللي ابخص مني <<< ابخص يعني افهم مني

موضوع ابداع صراحه حسيت اني في بيتنا منول في قري حصه <<< يلخمكم انه كبير

سلام عليكم

[روح القصيد]

والله يعطيهم العافيه اهل المشاركات والله واتمنى تعجبكم عاد ونبي احد يقراء ويستفيد وسلامتكم

ولي عوده ثانيه بردود اروع ,,,

[& شــمــوخ &]

**

هههههههههههههههههههههههههههههه

ماشاءالله عليك امونه مجهووود واضح تشكرين عليه


بس عندي سؤال ..

تعرفين ماذا تعني الكلمات التاليه ..

المقهاه ؟؟؟

اتكمع ؟؟

وتسلمين على الموضوع الرائع

يعطيك العافيه ودمتي لمن تحبين

**

[روح القصيد]

المقهاه ؟؟؟

اتوقع انه المشب او المكان الي يتقهون فيه والله مدري عاد صح علي ولالا,,


اتكمع ؟؟

مدري صراحه اول مره اسمعه

طيب علمينا معانيه عشان نستفيد منك ’’’

[& شــمــوخ &]

**

المقهاه ... هو مجلس الرجال

يتكمع .. الذي يشرب من قاروره او من مطاره <<<<<<<جابت العيد مطاره

طيب

مامعنى

المنعوره ..؟؟

***

[روح القصيد]

هههههههههههههههههههه

والله اول مره اسمع فيهم مدري وش معانيه بس حلوه فكرتك صراحه انو نحط كلمه ونحاول نعرف معناها

[& شــمــوخ &]

**

ههههههه حلو يالله انا بعطيك معاناها

وانتي هاتي كلمه لي ..

المنعوره .. البنت السنعه ((اللهلووبه )) على قولت اخوانا المصررين

**

انتظر كلمتك

**

[لاتلوموا الورد لا غار مني]

يدزدم الباب :

يعني يغلق الباب..

يخلي الباب على صايله:

اي انه جعل الباب مفتوح لنهايته..

يطرف الباب :

اي يجعل الباب مفتوح فتحه بسيطه ..

يخرع الباب :

اي يكسر الباب

يزلج الباب :

اي يقفله بالمزلاج..

المزلاج:

هي خشبه او حديده يقفل بها الباب من الداخل ..

الكيلون:

هو نوع من النواع القفول القديمه التي يقفل بها الباب..
يسلمووووووووووووو ولي رجعه..

[لاتلوموا الورد لا غار مني]

دنيتي حلللللللللوة فكرتك

طيب وشو معنى قردة:

[روح القصيد]

وهذي بعض الكلمات..

الشف (بتشديد الشين)
تعني الرغبه وهي من التمني...ويقال (فلان مالنا شف فيه) يعني مالنا خلق عليه او ما نبيه
ويقول الشاعر
خلاص من حبكم يازين عزلنا == ماعاد لي في هواكم شف او راده

الثليل
هو الشعر الطويل..وكان هو جمال البنت.. وفي وقتنا الحاضر..الجيده من البنات شعرها فوق كتوفها وتملل منه هههه
ويقول الشاعر
أبو ثليل فوق متنه جلالي === صرت انتفض كني مسير وبردان

الخشير
هو الشريك.. والاولين يقولون (خشيرك في البضاعه ما يفشك) و الحين انتبه من خشيرك لاياكل الي وراك ودونك .

العذاريب
وهي اعيوب... واذا جاء احد يخطب من احد وسئلوا عنه قالو فلان كله عذاريب .. لايقربكم ..وتلقى مافيه الاعذيريب واحد انه يسمع الرادو..
ويقول الشاعر
عذروب خلي حسنه الفتان == يازين خلي ومحلى عذروبه

السحاة
وهو طير الخفش..والاولين يقولون (فلان كنه سحاة الليل) لانه كثير دوجيه في الليل..

مسايف


يقولون خل الباب مسايف
يعني مطرف لاهو اللي مفتوح ولا هو اللي مسكر

فيه كلمة حجازيه

الدبش
بفتح الداء واباء
يعني جهاز العروسه

الدبش او الدبشه

بنجد

يعني الغبي اللي ماعنده سالفه ولا تتكل عليه


1- أفهق :- مثلا شخص يطلب واحد قروش وماعنده شي الحين
يقول افهقني شهر يعني خلها عقب شهر او أجلها شهر


ومنها جات كلمة المنفهق مراقبنا الله يذكره بالخير



ومن علامات جمال الأبل عند راعين الأبل
فهقة السنام يعني سنامها راجعن ورى قريب من وركها




2- الدروزاة :- الباب الخشبي القديم
وعادة يكون باب حصن زي باب المصمك مثلاً
أو باب ديرة زي دروازة حريملاء سابقاً
لان من اول كانت المدن محاطة باسوار ولها باب




3- أمكن :- وتنطق ( أمتسن ) يعني الحق
مثلاً أمكن اخوك قبل لا يطيح
وعلى قولة بعض البدو
اهن الهنا قبل لا يهنا
يعني الحق الشي مثلا البيالة قبل لاتنكب او غيرها




4- الخوصه :- يعني السكين عند البدو




5- الترنبيل :- ماخوذة من Automobile
تقال للسيارة اول ماطلعت في السعودية
وهالكلمة الله العالم خاصة بالبدو
مدري غيرهم كانوا يستخدمونها ولا لا





6-الأذخر :- نبات يجي على شكل عيدان
يستخدم كبخور او ينحط على الضرس الملتهب
يستخدم في حالات الألم ويعتبر مانع قوي للشمم
علشان الجرح او مكان العملية
مايشم على ريحة عطر ولا غيره




7- النجر :- اتوقع انه معروف ويستخدم لحد الآن
وهو اداة حديدة يوضع بداخلها القهوة
او الحبوب بشكل عام لطحنها بواسطة يد حديدية تجي بوسطه





8- التريك :- يعني الكشاف او الفانوس





9- الزير :- وعاء فخاري لتبريد الماء وحفظة

والله أن شرب المويه من الزير انها ابرد من الثلاجة





10- العانيه او الجريره :- مايقدم لاهل العرس كهدية سواء فلوس أو مواشي




11- الكتم ( تنطق التستم ) :- صبغة زي الحنا يصبغ به الرجال
والشيبان اول لحاهم ويصير لونها احمر

[روح القصيد]

المايق..


هو المتغطرس الي شايف نفسه وهو ماعنده ماعند جدتي

الهماج


هو الماء المالح ..وبعض الناس مايضبط شاهيهم ابد ..والعيب في الماء الي يستدمونه ..اكيد انه هماج..
وعندنا في سدير مزرعة اسمها النويطه ماها هماج اذا شربت منه كنك شارب من البحر ..

القيض


هو الصيف شديد الحر ..وحالت الجو عندنا في سدير قيض (طباخ العنب) الله يرحمنا برحمته


النحاز ..

هو مرض من امراض الابل ..ويقال(جعلك النحاز) يعني جعلك المرض ..الله يكفينا الشر

ابخص..

يعني افهم واقوى ملاحظه..واذا طق وطق قالو جيبو فلان هو ابخص .يعني مالكم غيره هو الي يبي يحل مشكلتكم ..
طِسل: الصحن الواسع المُسطح

كود: لازم
مثال كود يجي محمد يعني لازم يجي محمد

يزلق: يشتهي
يزلق أحمد على التفاح.. يعني..يشتهي أحمد التفاح

صفات الاشخاص الغير مرغوب فيهم عند الاولين
فيقال ...

الدبوج..

وهو الشخص الي جسمه اكبر من عقله ..وتصرفاته تصرفات طفل..

البهبوه..

هو الطفل الي عليه قل صح وفيه هبال ..

المسبوه..

هو الشخص الذي لايعرف مايدور حوله..

الطجمه...والطبنجه..

هي صفه للشخص الذي لايعتمد على نفسه في حل مشاكله بل يتم توجيه

الطبله..

هو الشخص الخفيف الي مافيه مخ وعقله مجوف مثل الطبل ..

الدلنبخه.. والدلخ...

هو الشخص الغبي الذي لايستوعب وبطيئ الفهم..

الارفل..

هو الذي لايستطيع اتقان أي عمل يكلف به بل يفسده..

الجغه..

هو الذي لم يكتمل نمو عقله وتنقد على تصرفاته..

الخرنقعي..

هو الذي لايحسن التصرف بكل ما يملكه..

الدبشه..

هو الذي تصرفاته تصرفات البهائم.. وهي ماخوذه من بهيمة الانعام..

الكمخه...

هو الشخص الذي اخذ من عمره ولا يستفاد منه..وهي ماخوذه من الاغنام كبيرة السن..

الصتيمه..

هو الذي يؤكل حقه ..وهذا الدارج عند الاولين ..مع ان لها معنى مخالف في بعض المناطق..

المطيور..

هو الذي اصيب بمس من الجن واصبحت تصرفاته سريعه وغير طبيعيه ..

المريوح..

هو سريع الانفعالات و التصرفات في غير مكانها..ولايبالي ..

المشفوح..

هو الذي يبحث عن الاشياء التي لاتخصه ..وغالبا ما يبحث عنها بنفسه ويحب ان يكون اول من يطلع عليها وقد ينقل خبرها...

الخراره..

هو الذي ينقل الكلام للغير..ولايستطيع كتمانه..

النكبه..

هو الشخص الذي يورط أي شخص يثق فيه ولا يؤتمن على سر..

الحقنه...والنشبه...

هو الشخص الذي لاتستطيع الهروب منه وانت غير راغب فيه ..

المخفه..

هو الشخص الذي يصدق كل شي.. ويستغل طيبه..

البرباره..

هو كثير الكلام بغير فائده ..

المصرقع..

هو الشخص قليل الحياء في جميع تصرفاته ..<<<<ام ذي انصدمت منها صراحه يوم عرفت معناه مهاوي وينك انتي وقهوري تعالوا شوفوا ياليل ’’’

[روح القصيد]

اللهود : كدمات وجروح تصيب الابل في ظهورها

الرقب: مرض يصيب رقبة البعير

اقمز او نط: اقفز

هماج : مالح

صريع : الاشجار القابله للحريق

مطايز : يتبختر

الخاطر : : الضيف

الجمشه : كسرة الطين الى بدات تتفتت

روشن: مجلس عالي

يزحر : يئن ويتوجع بصوت مسموع

الفقار : ظهر الجمل او الخروف

مكنعر : منقلب ومنتكس

مخور : فاسد ومتعفن

الطايه: السطح

اللطلطه : كثرة الحتسي ( الهذره)

مغلدم : زعلان ومكشر

الهيس : السفيه

القرم : الشجاع

الصبخا : الارض المالحه

المريفه : الارض الخصبه

العبيله : المرقه المخلوطه باللبن

المحابس : الخواتم

سرحان : الذيب

القليب : البئر

الخرب : ذكر الحبارى

مبوبز : قاعد قعدة القرفصاء ومايلمس الارض الى رجليه

[روح القصيد]

مِـــروح : وهي كلمة يقصد بها أي شئ مهوب زين ... وريحته خايسه الله يعزكم

أنــثـــبــر : وتعــني أسكت يا عمري اذا كنت تكلم شخص عزيز على قلبك

أما اذا كنت تكلم شخص ما تطيقه ... فهنا تعني انثبر أي سكر حلقك تراك غثيتنا

مــتـــمــدن : وتعني متحضر .. فنقول فلان شايف نفسه و متمدن يعني ياكل بملعـقة ههههههه (قراوى )

الدختر: يعني الدكتور.. أكيد تعرفون

القابلة : يعني بكرا

قراده: حظ سيء

طاعون يشق بطنك : لا تعليق

خرمس: ظلام

سهيتس : يعني مطحون لدرجة انه صار ناعم جداً

مغتس غتس : يعني مصفر يقال رجل مغتس غتس أي شديد الاصفرار

زبيل : وعاء يشيلون فيه اول العيش

يهسهس : يعني يتطاير من خفته مثل الغبار

[روح القصيد]

باكـ + مصطلحات شماليه ) . . !!

.
.
.

توجس : وش تحس به ؟ .
برخا : إنتظر قليلاً . --- > برخا ياوليدي وش معجلك
الفيد : الشيء . --- > وين وديت الفيد ؟
امكن : استعجل / الحق . --- > امكن الورشه قبل تقفل
طربه : مقرب جداً --- > مثل / يابعدي ( ياطربتي )
غفره ( بكسر الغين ) : انسرقت --- > سيارتك غفره
تسيف : اداة استغراب --- > يبه حنش ضربن --- > تسيف يضربك
امصع : اسحب --- > إمصع السلك من اللابتوب
انوخذت : حصل لك مكروه --- > البارح بغيت انوخذ
ياويطي : لـ الإشمئزاز --- > سامي احسن من ماجد --- > ياويطي
اهفي : اروح فيها --- > واانا ماشي بالطريق بغيت اهفي
الديان : الشارع --- > امسكوه هرب يم الديان
النطول - الندوع : السروق --- > وفيه بعد المسود و كلها معناها السروق
اغد : صر --- > متى تغدي رجل
لالا : لـ الإستغراب --- > فلان مات --- > لالا
هها : إستعجل --- > و فيه بعد كلمة : أروج --- > و معنى الكلمتين إستعجل
ابرم عليك : امزح معك --- > وكثير من الجيل الحالي يزعل بسبب هالكلمه يفكر ان المعنى وصخ و المعنى عادي
كفكير ( الكاف اقروه تس ) : اليده اللي يسوون بها غدا و عشا --- > ماادري وش اسمه
انزح غاد : ابعد شوي --- > ياخوي تراك ضايقتن انزح غاد
انطح : استقبل --- > انطح الرجال لاجوك
النطو : الغزل اللي تسويه الحريم من عزل الصوف
ثر : قم --- > ياابن الحلال ثر تراك موب خفيف
صلفيحه : حجاره مربعه --- > والله لارشمك بالصلفيحه --- > ارشمك : اضربك
الصفره : وقت الغروب --- > ابروح للرياض ؟ --- > متى ؟ --- > الصفرة
الجهمه : وقت الفجر --- > ابروح للدمام ؟ --- > متى ؟ --- > الجهمه
غبشه : الصباح الباكر --- > بكرا اقعدوا بدري نبي نغبش لـ الشرقيه
هودات : حجر --- > والله لـ أفنّخ راسك بـ الهودات --- > افنّخ : اكسّر

.
.
.

المشكله كل كلمه لما احطها بجمله مفيده // الجمله بنفسها تبي ترجمه
عاد انا تليّشت واذا تعّفيت جيت
تليشت : تعبت //
تعفيت : خذيت قسطاً من الراحه //

[روح القصيد]

الخنابيق..

الحتسي الي مامنه ثمره..وبعض الناس ماعنده الا الخنابيق..

الخسيس..

وهي من الخسه..وهو الشخص الوضيع الغير مرغوب فيه.. وفيه مثل يقول (مهنا اخس من الخس وكلناه)..

الخبيث المخبث..

وهذه عباره تدل على الشخص الذي فيه خبث ولعانه لايقتصر على ذالك فقط بل يعلم الناس الخبث والعانه ويعينهم عليها ..فيقال (فلان خبيث مخبث) اي هو خبيث ويعلم غيره الخبث فاجتنبوه ..

السمرمدي..

هذي لا اعلم من اين اتت ..وهي كلمه تدل على شخص غير مرغوب فيه او انه قليل الادب..


الداشر..

هو الشخص قليل الادب..ومايستحي على وجهه..


سربوت..

اي سمعة شينه وقليل الادب ..وماضيه اسود..


سملقي..

هذا هو الشخص الي تصرفاته غير مرغوب فيها ..والناس ما تعجبها افعاله ..

[روح القصيد]

لا تحشد/لاتستحي

الهويشات/ الابناء فلذه الكبد

اقبعه/ اقبع كاسه الماء/يعني كبها

يظلي/يبقى مكانه


تزوكى..

وهي عمليه رياضيه صفتها ان يضع الشخص يديه على الارض ويقلب على ظهره ...


تكنبس..

وهي عمليه رياضيه صفتها ان يضع الشخص راسه ويقلب على ظهره ...


تشقلب..

وهي عمليه رياضيه صفتها.. وهي عملية الجري بسرعه والانقلاب في الهواء و العوده للوضع الطبيعي بدون ان يلمس الارض..

مفنقس...

وهي نزول الجسم الى الارض والمبالغه في بروز الموخره..

مدزعي(مقعي)...

وهي جلسه تعتمد على الجلوس على اسفل العامود الفقري مع ثني الركبتين..

مدندز(مدنق)...

وهي نزول الظهر الى حد معين ..وهي قريبه من الركوع..

هازع....

وهي نزول الجسم بشكل بسيط نحو الارض..

ملبد...

وهو الشخص الساكت الذي لايتحرك خوف ولايتكلم ...

مصبط..

هو الشخص الذي لايتكلم كثير في المجلس مع علمه بالموضوع..

مذعن...

والشخص الذي تم السطره عليه واصبح على كيفك ...

الزلابه..

هو الشخص الذي ليس له قيمه بين الناس ..

متروبع..

وهي الجلسه المشهوره في السعوديه وصفتها ثني الركبتين مع فرد الساقين على الارض مع تقاطع الرجلين والجلوس على المؤخره..

يويدز(يويق)...يطل..يتهايق...

وهي النظر الى الاخرين مع عدم رغبته ان يراه الاخرين ..

وهذاي رجعت ..

جايبه بعض المفردات المستخدمه في الحديث العادي بين الناس ...

فيذا :- يعني هِنا .. انه هذا هو ..

تهقينه .. او تهقاه :- يعني تظن انه كذا ..

هااو .. أو هو :- وهي اداه استغراب مثلا لا احد قال شي يثير الاستغراب على طول تقال هالكلمه

واكثر من يقولها الحريم


توحي :- تسمع ...

بصرك :- يعني بكيفك او بسلامتك ..

امحق :- مدري وراه ضحكت يوم كتبت هالكلمه ههههههه

هذي تقال سلمكم الله لا ماجاز لنا شي او مثلا امي تحاتسيني وانا اقولها يمه .. يا ان فلانه ماشاء الله عليها سنعه

وهي ترد تقول امحق سنع ..

تدربي راسها :- يعني ماعندها سالفه لاقلنا ايييه فلانه تدربي راسها

في قريح وابا زنّه :- ياكثر ما تهاوشني امي لا قلتها .. لانها تقول ابا زنه .. بسم الله العظيم الاعظم يعني بليس

هذي تقال لا عصبنا من شي وخلاص .. وصلنا طريق مسدود قلناها ..

برندا :- اختلف معناها وصارت لنوعين .. وهي البلكونه .. للناس المتمدنه ويسمون البرنده او البرندا اللي هي

البلكونه

وناس يسمون الميرندا برندا

ياخزياه :- وهي مقوله تقال لا فشل احد من احد وقال ياخزياه فيتس يا ام فلان

المشعاب :- هذا شي يلسبون به العيال منول لا غلط وسوا شي .. ابد الابو وش يقول وين الشمعاب وين المشعاب

( وجه يناظر ابو لمخه )

امر الله شق الدزربه :- وهذي لا ارتاعت الام من شي وروعها عيالها .. قالت هالمفرده

فتسره :- هذي تقال مثلا لا قلنا ... ماشاء الله يافلانه .. والا بيت فلان فيه كبرن فيه فتسره

يعني اداه .. استغراب وتعجب ..

مشصول:


هو حيوان او انسان له مدة ميت وانثنى ظهره وتقاربت اطرافه ويبس مع الوقت ..
فيقال (فلان مشصول )يعني ميت ومنتهي ومافيه رجاء..

مهتش:


هو المكان الذي يدخله الجميع الصالح والطالح وفي اي وقت وبدون اذن ..
فيقال( بيت فلان مهتش) يعني كل من هب ودب تلقاه فيه ..

المصلع: بتشديد الام


هو الشي الذي ظهر عن المألوف وزاد عن حده الطبيعي .. وكثير مانسمع ان الفقع(الكمئه) مصلع يعني طلع عن الارض بقوه وزياده ..

يومي :


يعني يتمايل من شي اصابه .. فيقال (فلان يومي ) يعني يتمايل.. اما انه دايخ ..ولا ستسر هههه
ويقال (الغصن يومي ) يعني يتمايل من الهواء ..

الصفه:
هي غرفه كبيره يوضع فيها العلف وتستخدم لحماية المواشي في الشتاء عن البرد ..وهي عاده ماتكون مظلمه ولايوجد بها نوافذ..ولجصه توضع داخل الصفه ..والجصه هي عباره عن بيت صغير لحفض التمور وكثير ماتكون بذرفتين ولها باب صغير ..ويكون في اسفلها فتحه لظهار الدبس وهو عصارة التمر منها ...

اما الململ فهو قماش قديم يستخدم عند الاولين ويصلح منه ثياب الرجال وبعض ملابس النساء

[روح القصيد]

تلغفك : يعني تاخذك

تلطك : اداة استنكار وشجب

الذود : قطيع الإبل

ياخيّوني : تعجب

الخوشاقه : الملعقه الكبيره

الركيب : البقل او المضير اللي على النار

الهدروج : من اسماء الدجه يعني يقول رحت والله مالقيت غير الهدروج

شمّخ النيب : اسم دلع للإبل

حنا عندنا الدوشق = الاسفنجه او الفراش اللي ننام عليه يعني مو فرق كبيرر

بتكلم عن لهجتي لهجة أهل الزبير ،

دولمه = ورق عنب بس يختلف شوي عن الورق عنب حقكم ..يكون داخله لحم ويخلطون معه شوية شحم ورز ..طبعا هي من الأكلات المفضله عندي ..وأصل الكلمه تركـي

قبّوط = مطازيز <بلهجة أهل نجد
تشريبه = اقرب شي لها المرقوق ..

قرابيج= عجين بلحم او ماشابه ..

بزوّنه = قطوه
هـاو = كلمه تعجبيه يستخدمونها بكثره العجز ،
قندره =جزمـه وانتم بكرامه ،وبعضها يسميها كنادر
طوفه = جدار
اشتعونج = ياحظك /اشتعونك بتروحين الحفله وآنا لا ..
عشتوا =إذا غبطت احد على شي ../اليوم فلانه كرموها وعطوها هديه ..عشتوا !
جنقال =دبوس الملابس
اتق = شلحة الحريم
جربايا = سرير
سونده = واير او ليّ ..
حايلي = سروال السنّه
دشداشه= ثوب البيت او ثوب الطلعه كله واحد ..
زهيوي = صرصور

شكو = فيه شي
أكو ماكـو =فيه ولا مافيه
مخنجره = زعلانـه


وفيه بعض من كلماتنا نقلب فبها حرف القاف جيم ..
مثل ..الله لايعاقبنا = الله لايعاجبنا ..
تخنبق = تخنبج

الكتب..

وينطق التستب وهو عباره عن آله تصنع من الخشب وتوضع على سنام البعير مثل وضع الشداد لربط الرشا فيها اثناء السني وتتكون من اربع ظلفات خشب مربوطه مع بعضها البعض ويبدوان على شكل مستطييل اثنتان في في مقدمة السنام واثنتان في آخره

البطان..
...والحقب هو شريط عرضه حول 10 سم ويتكون من عدة حبال مكسوه بالقماش يلف على بطن مما يلي زور البعير ويربط به الكتب ليثبته..

السناف
والسناف شريط من الحبال ايضا يشد الكتب اثناء سحب الرشاء ويربط على نحر البعير..


الحقب...

والحقب عباره عن ثلاثه بتوت من الحبال يربط بها الكتب من على اسفل بطن البعير من جهة الوركين وذالك لتثبيت الكتب اثناء رجوع البعير لم القليب في المنحاة


الودك..والخلع....

وهي تاتي عند ذبح الاضحيه او الذبيحه.. كان الاولين يهتمون بالشحم قبل اللحم وذالك لقيمته الغذائيه الغنيه بالطاقه واللتي كانو يحتاجونها وكان القصاب في ذالك الوقت يبيع الشحم اغلى من اللحم وكان يغش الشحم باللحم..والودك هو الشحم المذاب وذالك بتقطيع الليه قطع صغيره ووضعها في قدر وطبخها لمده من ساعتبن الى ثلاث ساعات حتى تموع وتتحول الى دهن يسمى ودك),(ودتس) وباقي الشحم يصير قطع صغيره وبنيه اللون تسمى خلع وعاده ما يوضع مع الشحم اثناء الطبخ قطع من البصل لتعطيه رائحه زكيه ولتكون دليل على استوائه عندما ينقلب لون البصل الى اللون البني حتى لا يحترق ولا احد يدري عنه..ويؤكل الخلع بعد الطبخ اما الودك فيحفظ لاستخدامه استخدامات عديده اهمها وضعه بالاكل ودهن الايدي او الارجل به عن المشق ودهن بعض الاشياء الصلبه لكي تلين مثل القد الي يوضع على المحاله او الغرب.....

[روح القصيد]

والمخور :
هو الشي الي ابطى وهو في الحر او في موقع مكتوم وظهرة ريحته ..مثل المخيس ..
واكثر شي يطلق عليه مخور هو (البن)
ويقول حميدان الشويعر ...
لا تضم التي ما تعرف السوا
(بمعنى المرأة التي لا تجيد الطبخ وتدبير أمور الأكل)
تجعل الزين شين ولا تستري
يذن العصر والعيش فوق الرحى
والقدر موصخن واللبن مخوري

ضميري/شمام(خربز)..

الزير/فخار تنحط فيه المويه يبردها..

الشربه/مثل الزير بس صغير

غوغو:

وهي مجموعه من الحشرات الصغيره تطير وتجتمع مع بعضها في الاماكن الرطبه ولها صوت يسمى غواغات...

الحاس :

هو نوع من النامس او الحشرات المزعجه القارصه وهو صغير قد لايرى بالعين المجرده


البق :

وهو نوع من الحشرات القارصه الصغيره التي يالله تنشاف من صغرها ...

وذكر الشاعر ابو دباس ..
يا دباس ما يصبر على البق والحاس== الا الذي ماله بنجد عشيره


بطن الحوي = اسم الصاله حاليا

الدحل = المكان الذي تحت الدرج

انفهق = ابتعد

الجصه = مستودع المنزل

طروش = جايين من مكان بعيد

حنيني = عجين مع تمر و سمن

مقمع = نوع من انواع البنادق

انهجوا = تعالوا بسرعه او استعجلو

اخبق بس = اسكت

وجار = يشب فيه النار لغرض التدفئه ( يا قربه من المنقد ) ههههه

كمار = على شكل دولاب و توضع فيه الدلآل و الاباريق

القايله = وقت الظهر

حمار القايله = دايم يقولون اهلنا ادخلوا ولا ترى بيجيكم حمار القايله بس ماقد شفناه هههههههههههه

[روح القصيد]

يـصَــفّــر : ينام الى وقت متأخر من الصباح

مزبــطّــر : متين ومتعافي

مـيـدي : يعني لي / أو يقصدني ( الرجال قال ميدي ابشتري موترك )

مرقط : ساكت وهو مخمل والا مسويٍ شي مهوب زين

هرش : الرجل الطويل العريض

قعيطي : بخيل

هيت : تعال

هدوم : ملابس

انفهدز ( انفهق ) : يعني ابتعد قليلآ

البطاط : التمر المتساقط من النخل

قدوع : تمر

يوجس : يشعر ، يحس بشيء ما

يونس : يشعر ، يحس بشيء ما

مسفهل : مبسوط ومستانس

زغود : خدود

دقاق : يوصف بها الشخص النحيل


فيدينا = اقاربنا

هيتونا = تعالوا زورونا

يسعى ويطاف = رايح جاي

نتمـذه = نتـمشى

تهـذّي أو هـذّي = تقطع أو قـطعي

مـوصي الكاس = اغسليه بمويه

ماهمها الا السير والسرا = ياكثر طلعاتها


اما الجركل يعني عندنا اللي نحط فيه المويه ذاك الكبير
بس فيه شي ثاني حنا نسميه (الخميني) مدري فيه احد يسميه كذا بعد .. ودي اعرف سبب التسميه


العصابه:

هي ربطة من القماش تربط على الراس او الجسم بعد الجروح او الالم ...
ويقول المثل (ولم العصابه قبل الفلقه)

الفلقه:

هي الضربه الي تجي في الراس ..يعني واحد يرجم له واحد بحصاة فيصيبه على راسه (يفلقه) ويطلع دمة ..

قمعه :

وهي ضربة على الراس بالاصبع الاوسط وهو مثني بقوة حتى يظهر ورم من الضربه (صعرور)

الصعرور:

هو ورم بسيط ياتي في الراس بسبب ضربه عليه وهي تكون منتفخه بشكل واضح..

تهشيم :

وهي الضرب بقوه على الراس او جسم معين حتى يتهشم الشي المضروب ويصبح قطع صغيره فيقول (هشم راسه) اي تكسر واصبح هشيم تذره الرياح

طيب ....... اسمعو .. الخد .... اذا قالت جدتي حطيه في الخد مدري وش تقصد بعيد اكتشفت ان الخد =الارض

زتو(بتشديد التاء ) يعني اسرعو

زهمت =كلمت

زهبو =جهزو

تدحم =تضرب
تلز =تلصق

تنهس = ينغز

مقديه (مزديه ) = كفو

بدلي == بمعنى سوف
ماش = مو تمام

وش حيثيك = مين تكون


أروج >>> معناها بسرعه

كفكير تنطق ب التس >>>> الملاس

كنديشه >>>>>>> مكيف

يرطش >>>>>>>>> مبتل

وغدان >>>>>>>> بزران

ياحلولاة >>>>>>>> يقولها الواحد لاجا يتمنى

غدا >>>>>>>>>>> ضاع

طوقا >>>>>>>>>>>>الكلبه

ماصيدي>>>>>>>>>> ماأقصد

دزدان >>>>>>>> محفظه

وش لونك >>>>>>>>> كيف حالك

ازلهه>>>>>>>>> لا ترد عليه

الصميل >>>>>>>>>>> وعاء من الجلد يحفظ فيه الماء أو اللبن

مطفوق >>>>>>>>>> متسرع

يتهايق >>>>>>>>>>>>> يناظر

تلا يس و أنطم >>>>>>>>>>> لا تتكلم

رضمه>>>>>>>>>>>>>> حجرة

انهج >>>>>>>>>>>>> أسرع

دوبه >>>>>>>>>> توة

شرود >>>>>>>>>>> جبان

أقهر >>>>>>>>>> أنتظر

العوبا >>>>>>>>>> تنقال للمرة اللي ماتنحارش <<<<ذي شي معناها خخخخخخ
مها يا العوبا وينك خخخخخخخ,,

[روح القصيد]

الصرار

وهي قطعه من القماش يوضع في داخلها المستحضرات..وتلف..ويستخدمه الاولين كثير لقلة العلب والاكياس..
وفي المثل يقال (صرار دعيج)
ويطلقونها الاولين على شخص يعمل السحر اسمه دعيج ويصره صرار .. ...فيقال فلان محطوط له صرار دعي.. اي مسحور..

خشاش :


ويطلق على الحشرات وغيرها من الدواب الصغيره ..

يخترش :

وهو صوت حركه ملفت للانتباه ...

يتسلقى :

وهي الانسداح او الابطاح او النوم على الارض

يتدودل:

وهو تعلق جسم على مكان مرتفع ويتمرجح ولا يلمس الارض ..

مخونق:

وهو الشخص الذي ضاقة به الدنيا وتغير على جماعته..


الرديحاني..
وهو الرقص والمقامز والحركه الزائده ..

الطبل :

هو الطار الذي يقرع في السامري..
ويقول المثل الشعبي :
(لا صار رب الدار بالطار مولع = فبشر صغار الدار برديحاني)

يهيجن:

وهو الغناء فوق الهجن ومعروف بالهجيني

مصفر:

وهي النوم وقت الصفره ..والصفره هي وقت الضحى..

شباعه:

وهي عملية التلييص في البيوت القديمه ....

بريم:

وهو الحزام الي يحزم على البطن لحمايت البطن من التمزق..(البعج)

البعج:

هو فتق يجي في الجسم بسبب حمل الاشياء الثقيله بدون حمايه ..

ملع:
وهو خروج او تحرك الكتف من مكانه وياتي منه الم شدي .. ويقال فلان مملوع

نواغيز..نواشيص..لواتيب.:
وهي مسميات للريح الذي ياتي في البطن او الصدر وياتي بسببه الالم كثيره ..

الريح:

هو مجموعه من الغازات داخل الجسم تسبب الالم المزعجه..

الرهصه:

وهي منطقه ميته من الجلد تكون قاسيه بسبب كثر الجلوس عليها ..



مـيـدي : يعني لي / أو يقصدني ( الرجال قال ميدي ابشتري موترك )


قعيطي : بخيل
هدوم : ملابس


قدوع : تمر

مسفهل : مبسوط ومستانس


مزغدد: سامن او مربرب


دقاق : يوصف بها الشخص النحيل

اطخم:مزيزن

ملكع:عيار

يقردن:ينافق او يتمصلح

دوك:هاك

موتر:سيارة ..بس معد نقولها الحين تطورنا

مرغد: يعني مطمئن وناسي ان الدنيا بلاوي>ماحد يعرف يترجمها احسن مني

طير عيونه: بقق عيونه

فطس: مات

مخور:قديم وخايس

براشيم:الاوراق اللي نغش بها>قلتها شان خويي حجازي مايعرف معناها,,

متدودل:متدلي

شلحة: هي اكشخ الملابس النسائية

مزلط: اللبس اللي يطلع الكتوف(هذي بلوزة مزلطة)

منخرش:مرجوج وحرك

ارقى: اصعد>الزبارة يقولون اصعد

لطة: بلعـه (محمد لط ابو جد الرز)>يسمع بالجمل المفيدة

يشبح = ينظر ( يشوبح بعيونه)

القابله = بكره

الآبله = بعد بكره

قدح = ماعون = قدر

صيده = مبيته النيه او منت مشتهي تسوي الشغله وتدور حجه واهيه


كرته = زي الدرراعه عندكم

قصمه = قصيره القامه

ذاال = خايف

ذوان = الان


قرمه = سنعه
قط = مممممــ شلون اشرحها يعني مثلا قط مصخنه
يعني لايكون انتي مصخنه
تاكه = ضاغطه
هدر = غبي لوح كل ابو السب
شوده = شينه

العومه = الي مايعرف مصلحه نفسه وفي روايه دبشه
الدوشق = السليب هااي لاتعليق
نوبهم زين = يعني ذوقهم
بنات شربت = للحين ماعرفت وش معناهااا دايم انسى اسال الوالده ؟؟؟
عمتي طلاله = البنت الي شايفه نفسها
شرشف = مفرش
يابغضيلهم = اي هيت يو
ارجهنيتو = ارتحتو - طاح الي براسك
حافظه = الشي الذي نخزن فيه الاكل لحفظ درجه حرارته
انصها = اذهب اليها مباشرة
ساد = احسن
بليس يزمك = اذهب الي الجحيم
توكه = بكله ياقدميييي
طواليه =صحن اوشي زي كذا ويمكن طوفريه
على الخد = على الارض مثال- افرشي السماط على الخد يوجعك مخك من هالكلمه
السماط = السفره
خشاشه = اظن الشلحه
بردقان = البرتقال
عود = ارجع
دوسيه = ملف
بودره = روج
خماخم =حلق
كنادر = جزمه وانتم بكرامه
دراعه = الفستان
غرشه طيب =علبه او قزازه عطر
كنبل =بطانيه

وهذا مثل مشهور عند الاولين
رب جريك ياكلك


القز:

وهو موقد النار ..والاولين عندهم قز ابو عين وابو عينين وفيه ثلاث عيون ...

مقزز :

وهي عباره تقال للشخص الي ما يرد على من يناديه ..

مطنش:

وهو الشخص الذي لا يهتم بمن حوله ..

مزلب:

وهو الشخص الذي يعلم بالشي و لايهتم به ..

عقنقز:

وهو مرض الجديري الاصغر..

قيطان:

وهي نوع من الزينه التي تزين بها جيوب الثياب عن الاولين

مرجهن :

مبسوط ..ومستانس..

فاق كشرته:

وهي كلمة تقال من باب السخريه..بمعنى انه غير مبالي بما يدور حوله ..

يو يتس ( أداة تعجب ! مثل واحد يقولك فلانة تطلقت تقوله أنت يويتس يعني أفا ) والسين الأخيرة هي بلهجة أهل نجد
حروته ( مثل واحد يقول لك متى بيجي أخوك ؟ تقوله : حروته ألحين ، يعني هالحين بيجي ) ..
هقوتي ( يسألك واحد يقولك : كم عمر خالد ولد عمك تقوله : هقوتي 20 سنة ، يعني أعتقد ) ..
مواريه ( يسألك واحد يقولك : كيف جو الرياض الآن ؟ ترد عليه وتقول : مواري الجو إنه بيجي عج ، يعني أغلب ظني ..
شعف ( عج)
أزريت ( ما قدرت )


براطم = شفايف

ماله سهمه= مثلا ينقال فلان ماله سهمه الا ينوم...يعني ماله شغله الاينوم

وغره= شدة الحر زي حر الرياض الحين

يلقس= ياكل شوي

مهوب صيدي= مو قصدي

منتبص= مرتز

مايقه = مغروره

يزمر= يكشخ وينغر



الضو= النار

خدرو الشاهي= يعني سوو الشاهي



الساعه تسعه حكم= حكم تعني بالضبط مثلا:الساعه تسعه بالضبط

نغاله= نحاسه وحسد

السوق= الشارع

الحجره= الغرفه

يمش= يمسح

[روح القصيد]

جغمه: معناها رشفه يعني اذا واحد مشتهي ببسي في يد الي جنبه يقول تكفا بس ابشرب جغمه
يتتن: يدخن .. المتتن المدخن والتتن هو الدخان
متشطر: موب شطاره ودفاره الله يجزاكم خير لاا هذي معناها مبعد.. مثلا يعني حريم يتعشون ووحده ماكالت يقولون قربي وراتس متشطره
ارصع: معناها طق مع الراس .. رصعه اي طقه مع راسه
ادحج: يعني طقه بقوه مع ظهر يعني مثلن البنت هبلت بالام قال الابو تكفين ادحجيها
جغفه : بوسه


يسبع:

يعني ينظف..ويقولون الاولين سبع المواعين..يعني نظف الصحون..

المواعين :

ادوات الطبخ من صحون وقدور ..الخ

يدهج:

يعني ينظف بقوه..والدهج هو الفرك.. يعني يفرك المواعين وينظفه تنظيف

الصفاري:

هي القدور الكبيره ..وتكون عادع ضيقه من الاعلى ووسيعه من الاسفل..

يبرم:

يعني يلف الشي ..ويقولون فلان ابترم راسه يعني اختل واصيب في راسه..

القدوم:

هو اداة نجارة شبيهه بالفاس يصلح وينعم بها الخشب للتصليح الابوب والنوافذ..
ويقول الشاعر
( كن ابن صيخان بالقدوم باريها)
الشاهد من البيت ..
هو يمثل قلبه على فراق حبيبته بضرب القدوم عليه من بن صيخان..
وابن صيخان نجار مشهور في ذالك الوقت..



الدتسه = الدكه: جلسه بعيده عن البيت نوعا ما يجلسون فيها كبار السن او ربع ابو العيال

منحاز: اداه يستخدها النجار في خفس الخشبه

اخرج: كلمه شينه يقصد بها دعوه الاخر للخروج من المكان = اطلع برا

لصف: فاكهه بريه تنمو بين الحشيش في البران الشهبا في عز الصيف

القيظ: الصيف الحاااااااااااااااااااااار
حلقوم: نوع من الحلويات القديمه اصلها ايراني = جيلاتين وسكر ونشا بودره بس
قفر: لحم غنم او خروف مجفف
دراعه ام عصا: فستان السهره حق الاوليات فيه رسمه سيف ونخله في الوسط للحفلات الكبيره
شالكي: قماش قطن معه شوي صوف يستخدم في الملابس والغطا للسرير وحاجات اخرى
حجاة: قصه تقصها حرمه للبنات الصغيرات = حكايات ما قبل النوم
صقوعه: شده البرد القارس
هيس اربد: نوع من انواع الشتائم للرجل الاجوف
قطبه: نبات بري ينبت في الاوديه يقال: فلان كنه قطبه يستخدم للاستهزاء لقصرهلان القطبه لا تنمو بالطول بل بالعرض ووتشعب بالارضولا يزيد حجمها
وجار: مككان لاعداد القهوه بالديوانيه والديوانيه: مككان الاجتماع والقهوه.== غرفه المعيشه حاليا
الكمار: دولاب خشبي يصف فيه الدلال والاباريق والترامس ومعدات القهوه ماله داعي
كيت: نوع من القماش ينطقونه كذ ا الاولين حاليا هو اللينين او الكتان
كنيكحه: السمراء
شيح: عشب بري لعلاج المعده
حميضا : عشي بري له موسم
جنا: اعشاب بريه لموسم الربيع تسمى جنا
قرقاص= عشب بري
بقرا: عشب بري
زهم: زيت او زبده
طوفريه: صينيه الشاي
تليك: نعال الحريم القديمات
نقض: مجموعه اعشاب وادويه عشبيه يحضرها العطار لعلاج المحسود
مريوح: يقال للي فيه مس بسم الله
قل صح: تقال لكل من عانى مرض عقلي ايا كان نوعه
دباة: حيوان = تطلق لكل انسان طيوب = دابه سليمه: طيب كنه حيوان مامنه اي رد فعل
ششمات: نظارات
قرمزي: لون يقصد به الوردي
مكد: مشط الشعر
متدوكراو متدوكره: مسويه نيو لوك وصار شين
وبتذكر وبجي::
على فكره
القلمه: اي انبوبه كبيره ومجوفه من جوا = الماصوره الان او المرزام

اخرفي:

يعني خذي ثمرته واقطفي منه كل ما يفيدنا ...
وهي ماخوذه من خراف التمر ..

المنحاز :

هو حجر محفور في وسطه ويستخدم لدق الحبوب..ويوضع دائما قريب من باب الصفه..

وجدك ابخص مني...

ابخص :

يعني يفهم اكثر مني وعنده علم ..

حانط : بمد الالف وهي تطلق على اي شي طعمه لذيذ
الباغه : كيس النايلون
مهجوج : تطلق على اي شي مفتوح مثل الباب (مهجوج)

البّو :هو جلد الحوار يحشى اي شيء لتدر عليه الناقة حليبها ويصنع لخداع الناقة بأن حوارها ما زال حياً
تستخدم للسب مثل يقال ( والله انك بوّ ) بمعني انك فاضي من جوا وما عندك مخ

اللباة : هي اول اللبن بعد الولادة مباشره
الوسّنه : هو الى يمشي وهو نايم يقال ( فيك وسنه )
ابا الوجيه : هو مرض يصيب الوجه يخلي الوجه مايل
القحفيه : هي مثل القبعه او الطاقية تلبس على الراس يقال( يا وليدي البس قحّفيك عن البرد )
مطاريس:هو حوسة الاكل .. او واحد ياكل وجالس يحوس فيه يعني يمطرس
الفضّله : هي باقي الاكل
الخشه : الفم
بين عشّوين : بين صلاة المغرب وصلاة العشاء
العتمة : بعد صلاة العشاء
ازبره: مثل( ازبر الفنجال )اي بمعنا عبي الفنجال
الدوح : الطق او الضرب يقال( والله لدوحك دوح)
يوه : تنادى بها الام مثل ( يمّه )
هيتوا لمنا : اي تعالوا سيروا علينا
خبصه: ورقة البلوت.
عضيم سره : بكسر الياء وهي لعبة قديمه تلعب في الليل على ما اذكر تنطل العظم وخوياك يروحون يدورونه


منقلبتن شيفتها= متغيرن لونها ووجهاا للاسوأ
صايل او صايله= زعلان او زعلانه
مشفوح= يحب ياكل كل شي بشراهه
وحيش او وحيشه= مايحب الناس وانعزالي
مسبط= ساكت ولاكليمه
ساجه او ساج= يهوجس
مستاحش او مستاحشه= خايف من الوحده والظلام
انكب الغدا= يعني اغرف الغدا
اجفو الغدا= اغرفو الغدا
يهذّي البصل= يقطعه قطع صغيره..مثل جمله بصل مهذى يعني بصل مقطع
يسفه= مايرد يعني يزلب ويطنش
يتبيتع= يستقوي
يتلين= يريح بعد بذل المجهود
مجهد= يعني يعمل الشيء باخلاص ومن قلب
طس= يعني اذلف



الودك


وهي شحم الخروف .. اللي هي الليه تسمى وكانو يذوبونها الين تصير دهن وهذا دهنهم منول

لونه ما يصير زي الزين او الزيده ابيض لا يصير لونه ابيض ويجمد لاحط بقدر والاشي

الخلع


الي هو لا من ذوبو الودتس يطلع فيه قطيعات صغار ماذابن هذا يحطونه مع الاكل الجريش وكذا ..

وذيفه او وذفه


تقال للشي الصغير الحليل مثلا يقال يازين ذا البيت وذيف يعني صغير ومتلام وش حليله ..

شيعوف


هذي دعوه تقال ومهيب زينه .. سمعتها من حرمه سمعت شي ومن علامات استغرابها قالت شيعوف والظاهر انه يعني جني او شي زي كذا ..

هيت بيه


يعني هاته او جيبو هالشي
وتقال بعد هيتونا باتسر يعني تعالو لنا

أخَضَر , أَحَمَر

بفتح الحروف كلها

رطارط

لا امطرت والا لا طلع مثلا احد من بيته ولقى نقعه ما قيل وش ذا رطارط ..

قراقيف هوا

مثلا قاعدين بالحوش ويالله من فضلك يهب هوا وكذا يقال يازين قراقيف ذا الهوا ..

كوه وفي روايه اخرى قوه = يعني مشينا
كوه لبيتنا = نروح لبيتنا


اهمزه :

يعني اضغطه بطرف الاصبع ..والتهميز..هو التدليك ..

مشقاص:

هو خشبه توضع في جدار البيت لتعليق الاشياء

القرده :

وهي نوع من السيوف القديمه ..

شباعه :

وهي المشه من الطين او الجبص قريبه من التلييص..

ويقول الشاعر :
**** كنه طينة مغراب = لاينتشبع به ولا ينبنابه


أم عَشَرَه مقلع شجره ...


هذا مثل يقال لامن الرجل طلق حرمته ومعها كومه بزارين ...

فيعني انه ما رده شي حتى ذا البزارين

يصالي

يعني مثلا لامن ام ملت من عياله وتبي تشكي قالت وراي مصالى عيالي يعني .. يعني ابناظر عيالي وكذا

فّز

تقال لا قومنا احد وروعناه وقام مرتاع فز فلان

ساجّ

فلانه ساجه يعني سرحانه او تهوجس ...

يصمل ..

يعني لا سوى الشي عزم عليه ما يصير مرتخي ... او بشكل اوضح انه مثلا لا طلبنا من احد انه يجي مثلا عزيمه

او كذا ونقول عساهم يصملون


ما ورا

هذي بعد لا رحنا عند احد ونبي نسري قالو وراكم بدري ... نقولهم ما ورا سرى الليل ( ياعلي شرح )

نسري

يعني نمشي او نروح .... مثلا عند ناس بعد وان وبناتها وجازت لبناتها الجلسه والا تقول خنسري يالله

او في روايه يقال الليل سرى يعني مشى الليل ... او تأخر


وكماله للكلمات اللي نستخدمها اصلها مهوب عربي وجابوها معهم اهل نجد من تجارتهم منّول اللي يروح للهند وكذا

وصارت دارجه بينهم مثل ..

تجوري
تريك
توله
خيشه
خبل
دروازة
دسته
ديرم
زلطة == هذي يوم قريتها توني ادري انها مهيب عربيه وبالذات نجديه ... اثر الزلطه مستورده وانحن ماندري
زوليه
شرشف
قرطاس
قوطي
كليجة == حتى القصمان فيهم حقهم من استيراد الحتسي
كندرة


فرجة:

وهي الفتحه في الجدار

مشكاة:

وهو رف يوضع في الجدار لوضع السراج او غيره فيه ..

قردة:

وهي نوع من السيوف القديمة

شمطاء:

وهي العجوز الي خالط شعرها الاسود البياض ...

[روح القصيد]

كود >> تعني لازم .. مثل لاقالوا القصمان ( سير السي كود أندس ) ..




يعني سير سيارة السيدريك لاجيت أصلحه تسود أصير تحته ..




أندس >> يعني أنلفز ورى الشي أو تحته .. لاقالوا تندس يعني تنلفز أو تغبى .. ياملحهم العجز لابغن يغبن الشي الفزوه بيدتس وغمزن روحي دسيه تحت وسيدتي ..





الفزيه >> يعني غبيه وفي لهجات أخرى وزيه .. يعني ينحط بمكان ما أحد يعرفه .. ومنه يلفز ..




وفيه كلمات تدل على التحسر والتعزز لأحد ترحمه .. مثل ..




فرقعين .. ياتسبدييه .. ياعزتيلي ..




الطاية >> يقصد به السطح ..




ضناية >> ولادة .. مثل لا قالوا فلانة أضنت يعني ولدت ..




توحم >> ماخوذه من الوحام وبعضهم يقولون تنسى وفيه مناطق من القصيم يسمونه فرث ..




وجع مايهجع >> يعني وجع مايسكن ولايخف ..




بذي >> يعني لسانه متبري منه .. وحركته توذي اللي حوله .. يعني نقدر نستخدمه للي لسانه يادافع البلا مراجم حصى ونقدر نستخدمه للي حركته موذيه ..




تجحد >> يعني ما أحد يدري عن حاله وش يصير معه من أمور .. لاذا قالوا فلانة راعية جحاده يعني ماتعلم بحاله .. وترى ذي عند الحريم أكثر من الرجال بحكم طبع الحريم يحبن الشرافة ..




شروف >> فلانة ذي شروف والمقصود إنه تحب تدري عن أسرار الناس وتطلع عليه وتنهبل لاخفي عنه شي .. وبعضهم يسمونه بلغة شف وملقوفه ..




طارت بوهتي >> تجي بمعنى استغربت أو استنكرت حصول شي وإلا انسبوا شي لي مهوب بي .. يعني مثل لاقالوا فلان سوا هاالشي وهو ماسواه فيقول طارت بوهتي ..

[& شــمــوخ &]

**

قرده ... ممكن شقيه حييل مدري صح او لا ؟

طيب.

يازقينك زقيناه <<<<<<<<<ملطوشه

هاتي معاناها

**

[روح القصيد]

يلدزع

يعني يلعط


يدرعم

يمشي ناطلن راسه



افهق مناك

يعني ابتعد قليلا


كتر

يعني زاويه

مدزي

يعني زين ماسويت فيه



يويق

يطل

ارثي الماء
يعني خليه دافي


وخّر

ابعد عنّي شوي


مقراض

مقص


هقوتي

اظن ..!



حيد أو حيده

الصخرة الصغيره .. ( الحصاة )


مشاط

شيء اخضر يحطونه العجز على روسهم



سعوط

مدري وشو بالضيط .. بس هو اخضر يشبه الحنا .. يعطونه البزر اذا قام يصيح من اول .. ويقولون تراه يدمن عليه ..!


عوّد علىّ

ارجع لي


مشخاط

علبة الكبريت


فرد

مسدس


غوري

ابريق .. غير عن حقه المصارية .. ( لقالوا " غوري من وشي يابت " ) هذي غير عند المصارية غوري يعني فارقيني " طسي " .. لكن عندنا الغوري يعني الابريق ..!

تصادم حضارات خخخخخخخخـ


وش السواة ..؟

ماالعمل ..؟


تكانة

يعتمد عليه


يرقل

مهوب ثابت على رجوله


شراع

يطلق على الخيمة


مركاب

اللي يمسك طنب الخيمة .. وندقه بالارض


طنب

الحبل اللي يمتد من اعلى الخيمة الى الارض ومثبت فيها


الحجرة

الغرفة


حذايا

نعال ( وانتم بكرامة طبعاً )


كرفاية

الدولاب الصغير .. مهوب اللي يجي في غرف النوم لأ .. زي الفترينة


حذفه عصا

هذا مثل .. اذا بغيت توصف مكان قريب .. تقول حذفة عصا


زمّني مااخنزني

هذا كمان مثل .. بمعنى طرار ويتشرط




شفرة

السكين .. غير عن اذا قلت فك الشفرة .. هذي تختلف


متعومس

متكدر خاطرة ومتضايق .. مثل حال اللي يقرأ كلماتي الحين خخخخـ


ماصخ

سامج


زعق (ضمة على الزين )

يعني ملحه واجد


يشبح

يشوف او يناظر


الخلا

البر .. او الارض الواسعة المهجورة


لهده ( تنطق بالسكون )

يعني مُرتفع من الارض يشبه الطعس بس فيه صخور خخخخخخـ .. زي الحزم بس مهوب حزم


طعوس

عروق .. واكيد طعس .. عرق


مناكر الدنيا

كلمة تقال اذا شيء عاجبك او عاجبتك وخاق مع ذا الشي
يعني البنات يقولون .. السوق الفلاني فيه مناكر الدنيا من الفساتين والتيورات <<< خخخخخخـ باقي فيه احد يلبس تيور خخخخخخخـ


انقلع

اغرب عن وجهي ( طس )


حواق

يعني مابقي من الشيء الجميل .. يكون حواق وغير مرغوب فيه


يتوتر

ينزل يديه في الارض ومؤخرته بارزه للخلف


يتربع

الجلسة العادية اذا انت تبي تاكل من صحن كبسة ومعك مليون واحد وتاكلون على الارض


مركى

المتكى



دقلة

هي اللي يلبسونها في الشتاء وتكون مفتوحة من قدام وطويلة طول الثوب


علبى

الرقبة من ورا .. المنطقة اللي اذا طقيت مصري عليها طنقر وحاسك حوس .. وعاده عند المصارية تكون كبيرة ونقول للواحد اذا علباه كبير .. علبى مصري

[روح القصيد]

**

قرده ... ممكن شقيه حييل مدري صح او لا ؟

طيب.

يازقينك زقيناه <<<<<<<<<ملطوشه

هاتي معاناها

**


ههههههههههههههههههههههه

يازقينك يادنيتي :95:

يعني يازينك زينه او اكثر مايقولونه للصغار من غلاهم عند الشخص الي يحبهم,,,

الله يستر عسى صح بس:151:

[غنوووه]

وش يعني مالي طوقه خخخخ

ويسلموو ع الموضوع غلآي

[& شــمــوخ &]

وش يعني مالي طوقه خخخخ

ويسلموو ع الموضوع غلآي
**

امونه صح عليك ..

مالي طوقه .... مافيني حيييل


يشبح .؟

**

[غنوووه]

يشبح

يشوف او يناظر


طيب
انقلع

[& شــمــوخ &]

**

صح عليك ياقمر

انقلع .. اي عطني ظهرك روح عني بعيد <<<<< ان شاءالله صح


الطخما ؟؟

[غنوووه]

يعني مزيوووووووووونه

شيعني مافيك حيلة

[مشاعل]

يعني ماينقدر عليك انك قوي

[& شــمــوخ &]

يعني مزيوووووووووونه

شيعني مافيك حيلة


هههههههههههههههههههه

مافيك حيله .. ما ينقدر عليك <<<<<<<<تذكرت بن فطيس المري


هريانه ؟؟؟؟

[غنوووه]

هههههههههههههااي
فديت قلبه
والحين اللي مافيه حيلة بدر السبيعي ^_^
الله يوفقه يا رب

طيب
هريانه = نحيفه

طيب

علامك خخخ

[مشاعل]

هريانه يعني منتهي مااعاد فيه فائده

[مشاعل]

يعني شفيك ههههههههههههههه

[& شــمــوخ &]

**

هريانه .. نحيفه صح عليك غنوويه

علامك .. شفيك


ياهجادك ..؟؟

[غنوووه]

بمعنى هادية

طيب

عاونيني

[& شــمــوخ &]

**

لالا غلط ..

ياهجادك .. ياويلك

عاونيني ... ساعديني


حرشااا.....؟؟؟

[غنوووه]

اممممم يمكن مافيه فكه خخخخخخخخخخ

طيب

ما تلهمين

[& شــمــوخ &]

**

ههههههههههههههههههههههههههههههههههههههههههه


حرشا ... خشنه


ماتلهمين .. ماتفهمين


ورع ...؟

[قاهرتهم]

هههههههههههههههههههههههههههههههه


الولد هههههه



طيب


المخفووع

[& شــمــوخ &]

**

المخفووع .. امممم صراحه ما اعرفه

يمكن امونه والا الجوري والا غنوووة يعرفوون ..



ازريت ... ؟؟ <<<<<<< ملطووشه

**

[‏ღ‏أميرةالروح‏‏ღ]

أزريت >>ماقدرت

السفهان؟؟

[روح القصيد]

الصغار يقالهم السفهان

مثل يقولون عن واحد كبير في العمر يحول ياولد فلان سفيه مايفهم شي <<<اخس يا

التوضيح خطير هههههههههههه,,,:151:

مخفوع:61S: والله مدري اول مره اسمع فيها ,,

بس مايمنع ان نحاول ان ندلوا بدلونا معك خخخخخخخخ:151:

يمكن اممممممم مطفوقه ولا مستجعله زي كذا :151: :113:


طيب كلمة خثع

[& شــمــوخ &]

**

خثع امممم ماني عارفته بس اتوقع .... يعني طاح او بغى يطيح

تيب

رثع ....؟؟؟

**

[مضاوي بنت فهد]

والله مدري بس شكلها بنت عم خثع

طيب

يخقل؟؟

[& شــمــوخ &]

**

اتوقع

يخقل .. واسع


منقطعه ..؟؟

[قاهرتهم]

مخفووع ماعرفتوهاا امحق بدوو


يعني مسرررع ههع



منقطعه يعني امممممم قطع حااجه <<<< اقول اطلعي قبل يجيني كعب دنيتي هع

[& شــمــوخ &]

**

هههههههههههههههههههههههههههههه

وتقولين امحق بدووو

منقطعه يعني ..... نحيفه


ازريت.....؟؟

[جوري]

أزريت ..... = تعبت

طيب معنى درعم يدرعم تدرعما خخخخخخ


درعــــــــــــــــــــــــــــم ^_^

[& شــمــوخ &]

**

الدرعمه .. يجي مسرع

استيدم ..؟؟؟

**

[قاهرتهم]

ابسالكم سؤؤال وااحد بس انتو متاكدين ان هذي لغة بدوو وسعوديه اصليه ولا يكون غلطاانين في القااموس الفرنسي

[روح القصيد]

هههههههههههههههههههههه

الله يمحط بعدوتس قهوري ,,

[قاهرتهم]

ويمحطتس محطن مبرحن << العن ام الغه

[ღ♥ღ Lara ღ♥ღ]

تسلم الايــــــــــــــــــــــــــــــــادي غاليتي